Wednesday, February 24, 2010

गुज़ारिश

गुज़ारिश है खुदा से कि
आपकी ज़िन्दगी में ख़ुशी कम न हो !
पलकों को अगर छूले आंसू
तो उसकी वजह कभी हम न हो !!

ಹಿಂದಿ ಭಾಷೆಯಲ್ಲಿ ಬರೆದು ಬಹಳ ದಿನಗಳಾಗಿತ್ತು. ಈಗ ಮತ್ತೊಮ್ಮೆ ನನ್ನ ಹಿಂದಿ ಲೇಖನಗಳನ್ನು ನಿಮ್ಮ ಮುಂದೆ ಇಡುವ ಪ್ರಯತ್ನ ಮಾಡುತ್ತಿದ್ದೇನೆ. ನಿಮಗೆ ಕೊಂಚವಾದರೂ ಈ ಲೇಖನಗಳು ಖುಷಿ ಕೊಟ್ಟರೆ ಅಷ್ಟೇ ಸಾಕು.
----ರಮೇಶ ಎಸ್ ಎನ್ ----------

Friday, February 19, 2010

ಕಾಣದ ದೈವ

ಉಪ್ಪಿನ ನೀರಿಗೆ
ಉಕ್ಕುವ ಕಲೆಯನು ಕಲಿಸಿದರ್ಯಾರಿಲ್ಲಿ
ಉಕ್ಕುವ ನೀರಿಗೆ
ಉಪ್ಪಿನ ರುಚಿಯನು ಉಣಿಸಿದರ್ಯಾರಿಲ್ಲಿ

ಮುಂಜಾನೆ ಮೊಗ್ಗಿಗೆ
ಅರಳುವ ಮನಸನು ಕೊಟ್ಟವರ್ಯಾರಿಲ್ಲಿ
ಆ ಅರಳಿದ ಹೂವಿಗೆ
ದುಂಬಿಯ ಸೆಳೆಯುವ ಪರಿಮಳವಿತ್ತವರ್ಯಾರಿಲ್ಲಿ

ಹಾರುವ ಹಕ್ಕಿಗೆ
ಗೂಡಿನ ವಿಳಾಸವ ತಿಳಿಸಿದರ್ಯಾರಿಲ್ಲಿ
ಸೂರ್ಯನ ಕಿರಣಕೆ
ಬೆಳಕನು ಚೆಲ್ಲುವ ಶಕ್ತಿಯನಿತ್ತವರ್ಯಾರಿಲ್ಲಿ

ಕಣ್ಣಿನ ನೋಟಕೆ
ಹೃದಯವ ಹೊಕ್ಕುವ ಬಲವನಿತ್ತವರ್ಯಾರಿಲ್ಲಿ
ಹುಡುಗಾಟದ ಮನಸಿಗೆ
ತಾಯಿಯ ಹೃದಯವ ಕರುಣಿಸಿದರ್ಯಾರಿಲ್ಲಿ
------ಎಸ್ ಎನ್ ರಮೇಶ -----