Wednesday, March 11, 2015

ಕೀಲು ಗೊಂಬೆಗಳು

ಶ್ರೀ ರಾಯರ ಚರಣಕಮಲಗಳಿಗೆ ಒಂದು ಸಣ್ಣ ಮಾಲಿಕೆ ...

!!ಓಂ ಶ್ರೀ ರಾಘವೇಂದ್ರಾಯ ನಮಃ!!

ಕೀಲು ಗೊಂಬೆಗಳು :

ದೇವನೇ ಇದೇನು ನಿನ್ನ ಲೀಲೆಯ ಹೊನಲು
ನಾವು ಇದರಲಿ ಬರಿಯ ಕೀಲು ಗೊಂಬೆಗಳು

ಮನುಜಗೆ ನೀ ಮನಸು ಕೊಟ್ಟೆ
ಮನಸಿನಲ್ಲಿ ಆಸೆಯಿಟ್ಟೆ
ಆಸೆ ಹಿಂದೆ ಛಲವನಿತ್ತೆ
ದುಡಿದು ದಣಿಯಲು

ಪ್ರೀತಿಯೆಂಬ ಹೂವ ಕೊಟ್ಟೆ
ರೋಷವೆಂಬ ಮುಳ್ಳನಿತ್ತೆ
ಹೊರಗೆ ಕಾಣೊ ಕಣ್ಣು ಕೊಟ್ಟೆ
ಅಂತರಾತ್ಮ ಮರೆಯಲು

ಬದುಕಿಗೆ ನೀ ಬಣ್ಣ ಕೊಟ್ಟೆ
ಬಣ್ಣ ಬಣ್ಣದ ಕನಸು ಕೊಟ್ಟೆ
ನೆರಳಿನಂತೆ ಸಾವನಿಟ್ಟೆ
ನಿನ್ನ ನೆನೆಯಲು

ಜ್ಞಾನವೆಂಬ ನದಿಯ ಕೊಟ್ಟೆ
ಅಜ್ಞಾನವೆಂಬ ಸುಳಿಯನಿಟ್ಟೆ
ಕೈ ಹಿಡಿದು ನಡೆಪ ಗುರುವ ಕೊಟ್ಟೆ
ನಿನ್ನನರಿಯಲು

ದೇವನೇ ಇದೇನು ನಿನ್ನ ಲೀಲೆಯ ಹೊನಲು
ನಾವು ಇದರಲಿ ಬರಿಯ ಕೀಲು ಗೊಂಬೆಗಳು

-----ರಮೇಶ ನಾರಾಯಣರಾವ್ ------

No comments: